Archive

Posts Tagged ‘கவிதை’

என்னவள்

December 6, 2014 Leave a comment

அவளும் நானும் இரகசியமாய் இரசித்த பாடல் வரிகள் தனிமைக்கும் தெரிந்ததில்லை
யாரும் பார்க்காத அந்த ஒரு நொடியில் இயல்பாய்
அவள் இதழால் என் இதழ் தொட்டு இம்சிக்கிறாள்
எனக்கு முன் எழுந்து என் சூரியனை வரவேற்க்கிறாள்

அவள் உடல் வெண்மையில் என் சிந்தனைகள் தடுமாற – அவளோ
என் காதலெல்லாம் அவள் உடலில் மின்சாரமாய் பாய்வதாய் பிதற்றுகிறாள்
வார்த்தைகளும் நேரமும் தீர்ந்துபோன பின்பும் பேசிக்கொள்கிறோம்
என் தொடுதலின் அர்த்தம்புரிந்து வெட்கம்கொண்டு சிணுங்கிறாள்

~~~~~ என்னவள்: http://goo.gl/zrEuW2 ~~~~~

மீன் பூச்சி

November 16, 2014 Leave a comment

மீன்பூச்சி

 

 

மகள் : வண்ணத்துப்பூச்சிக்கு தண்ணியில நீந்த தெரியாதா ?
அப்பா : வண்ணத்துப்பூச்சி நல்லா நீந்தும். ஆனா அந்த வண்ணத்துப்பூச்சியை மீன்னு சொல்வாங்கம்மா.
மகள்: மீன்பூச்சி!!! மீன்பூச்சி!!!

~மகிழ்ச்சியில் நீந்தவும் தொடங்கினாள் என் வண்ணத்துப்பூச்சி~

தண்டனை

September 21, 2014 Leave a comment

பொய்யை அழகாய் சொல்லும் உண்மை உன் இதழ்கள்

அதன் மேல் தண்டனை கொடுக்க இமைக்குள் மறைந்துகொள்ளும்

காட்டிக் கொடுத்த உன் கண்கள்

அடையாளம்

August 2, 2014 Leave a comment

அடையாளம்

தன்னிச்சையாகவோ  பிறராலோ

அடையாளங்களை புசிக்கொண்டேன் சுயத்தில்

அடையாளம் கொண்டே அறியபடுவதாணேன்

அதையே சுயமென பிதற்றினேன்

அடையாளங்களை அடையாளம் கண்டு கலைந்திட

மீதமிருப்பதை சுயம் என்று அடையாளம் பூசாத

சுயமாகக் கொண்டேன் ….

காலம்

February 25, 2014 Leave a comment

காலம்

இது இப்படியே இருந்துவிடலாம் என இதயம் விரும்ப
இது இப்படியே இருக்காது என வாதித்தது மூளை
இவை எதையும் கண்டுகொள்வதாய் இல்லை இதுவும் இப்படியும் ….

நட்சத்திரங்கள்

December 9, 2013 Leave a comment

இரவு போர்வைக்குள்
நினைவுகளின் துளைகள்
ஆங்காங்கே மின்ன
எண்ணவோ ஆராயவோ
விரும்பாத கனவுகள்
எதையோ கண்டு இரசிக்க
குறட்டையின் சத்தம் உறங்கிய மூளையில்

பிடித்த முத்தம்

April 19, 2013 Leave a comment

உனக்கு பிடித்த முத்தம் எது என்று கேட்டாள்

கைகளில் உன் முகம் ஏந்தி இதழ் சேர்க்க
ஒரு நொடி முன் மூடிய உன் கண்களில்
படரும் காதலும் வெட்கமும் இரசித்த ‘முதல் முத்தம்’ என்றேன்

உனக்கு ? என்றேன் தன்னிச்சையாய்

நான்கடி தள்ளிசென்று
நீ கொடுக்கபோகும் ‘அடுத்த முத்தம்’ என்று கண்சிமிட்டி பறந்தாள்

Follow

Get every new post delivered to your Inbox.

Join 482 other followers